18. juni frå kl. 10 til 11 inviterer Språkrådet, Direktoratet for høgare utdanning og kompetanse og Termportalen ved Universitetet Bergen til nettseminar om språk og utdanningskvalitet i høgare utdanning.
Seminaret er det andre av to som vi arrangerer om dette temaet i 2025. Denne gongen blir det innlegg om korleis undervisarar og leiarar ved universitet og høgskular kan innlemme fagspråk og fagspråkleg kommunikasjon i utdanningane på måtar som fremjar utdanningskvalitet og studentane sitt læringsutbytte. I tillegg skal Katja Årosin Laursen frå Center for Internationalisering og Parallelsproglighed ved Universitetet i København fortelje om korleis internasjonalt tilsette kan støttast i overgangen frå å undervise på engelsk til å undervise på det nasjonale språket.
Programmet blir lagt ut etter kvart, men du kan melde deg på allereie nå via lenkja nedanfor.
(Denna nätdagbok är knuten till nätverket Språkförsvaret)